Ang Bisaya Magasin maoy giilang sumbanan sa hustong panitik ug pagkagamit sa mga pulong sa hapit tanang mga magsusulat sa Binisaya. Kini tungod kay ang magasin may ngalan na man isip dekalidad nga magasin nga dili basta-basta modawat og mga winiris-wiris lang.
Ang daghan usab nga tadhang mga magsusulat sa Binisaya nagpasilong sa Bisaya Magasin, ug busa dili kahibudngan nga kini ang naghupot sa papel isip pinal nga arbiter sa mga isyu kabahin sa panitik sa Binisaya.
Alang sa dugang kasayon, among gibalhin dinhi ang nanag-unang mga tamdanan sa pagsulat sa Binisaya-Sinugboanon nga una nang naposte didto sa Estandardisasyon sa Bisaya sa blogspot.com -- mga artikulo kabahin sa panitik ug gramatikang Bisaya.