Ang Young Blood Writer usa ka seksiyon kun programa sa Bisaya Magasin nga nagtumong sa pagdiskobre ug pag-agak sa bag-ong mga talento sa panulat.
Kanhi nailhang Youth's Literary Page, gibuksan kini sa mga dekada 50 ug milahutay hangtod sa hinapos sa dekada 90. Ning maong gidugayon, daghan kinig nahimong produkto nga nangahimong inilang mga magsusulat sa pinulongang Binisayang Sinugboanon.
Pipila sa mahinganlan mao sila si Prax Cantilang, Satur P. Apoyon, Papias P. Apoyon, Eleazar T. Acampado, ubp.
Sa tuig 2004, samtang nanimon isip katitikanong editor sa Bisaya si Edgar S. Godin, gibuksan niya kini pagbalik ubos sa bag-o niining ngalan. Nahukman usab nga kadtong mga magtatampo sa tuig nga nanagpakita og impresibong pag-uswag sa arte sa panulat, ituboy isip mga gradwado na, ug ang labing hawod kanila (base sa ilang natampong obra) pagapasidunggan isip Labing Masaarong Bag-ong Magsusulat sa Bisaya.
Kini ang mga Magtatampo sa Tuig sa pandayang Young Blood Writer sa BISAYA Magasin. Sanglit ang paghatag pasidungog iatol man sa anibersaryo sa magasin matag Agosto 15, ang maisip nga entrante mao kadtong nakatampo sulod sa pagsipong sa tuig.
2004-2005
Ang napasidunggan isip Labing Masaarong Bag-ong Magsusulat sa Bisaya ning tuiga mao si Cirilo Nuena Lacuna sa Iligan City.
2005-2006
Ang napasidunggan isip Labing Masaarong Bag-ong Magsusulat sa Bisaya ning tuiga mao si Ma. Vera Naome C. Flores sa University of the Visayas (UV).
2006-2007
Ang napasidunggan isip Labing Masaarong Bag-ong Magsusulat sa Bisaya ning tuiga mao si Elaine Grace Lape sa Asturias, Cebu. Basaha kining hukngay: Ang Labing Masaarong Bag-ong Magsusulat Sa Bisaya Sa Tuig 2007
2007-2008
Ang napasidunggan isip Labing Masaarong Bag-ong Magsusulat sa Bisaya ning tuiga mao si Kevin A. Lagunda sa Mandaue City kinsa usa ka tinun-an sa CNU. Basaha kining hukngay: Ang Labing Masaarong Bag-ong Magsusulat Sa Bisaya Sa Tuig 2008
2008-2009
Ang napasidunggan isip Labing Masaarong Bag-ong Magsusulat sa Bisaya ning tuiga mao si Jona B. Bering sa Tuburan, Cebu kinsa gradwado sa Mascom sa CNU. Basaha kining hukngay: Ang Labing Masaarong Bag-ong Magsusulat Sa Bisaya Sa Tuig 2009
2009-2010
Ang napasidunggan isip Labing Masaarong Bag-ong Magsusulat sa Bisaya ning tuiga mao si Romeo Nicolas Bonsocan kinsa bag-ohay lang migradwar sa UP-Cebu. Basaha kining hukngay: Ang Labing Masaarong Bag-ong Magsusulat Sa Bisaya Sa Tuig 2010
2010-2011
Ang napasidunggan isip Labing Masaarong Bag-ong Magsusulat sa Bisaya ning tuiga mao si Donzkie B. Aton sa Bagtik, San Remigio, Cebu. Basaha kining hukngay: Ang Labing Masaarong Bag-ong Magsusulat Sa Bisaya Sa Tuig 2011
2011-2012
Ang napasidunggan isip Labing Masaarong Bag-ong Magsusulat sa Bisaya ning tuiga mao sila si Ionnes Arong ug Raul M. Figues. Basaha kining hukngay: Ang Labing Masaarong Bag-ong Magsusulat Sa Bisaya Sa Tuig 2012
2012-2013
Ang napasidunggan isip Labing Masaarong Bag-ong Magsusulat sa Bisaya ning tuiga mao si Gratian Paul R. Tidor sa Dakbayan sa Dipolog. Basaha kining hukngay: Ang Labing Masaarong Bag-ong Magsusulat Sa Bisaya Sa Tuig 2013
2013-2014
Ang napasidunggan isip Labing Masaarong Bag-ong Magsusulat sa Bisaya ning tuiga mao si Mechelle S. Centurias sa Cagay, Sibunga, Cebu. Basaha kining hukngay: Ang Labing Masaarong Bag-ong Magsusulat Sa Bisaya sa Tuig 2014
2014-2015
Ang napasidunggan isip Labing Masaarong Bag-ong Magsusulat sa Bisaya ning tuiga mao si Desiderio R. Libre. Basaha kining hukngay: Ang Labing Masaarong Bag-ong Magsusulat Sa Bisaya Sa Tuig 2015. Atangi sa Agosto na pod puhon...
2015-2016
Ang napasidunggan isip Labing Masaarong Bag-ong Magsusulat sa Bisaya ning tuiga mao si Desiderio R. Libre. Basaha kining hukngay: Ang Labing Masaarong Bag-ong Magsusulat Sa Bisaya Sa Tuig 2015. Atangi sa Agosto na pod puhon...