pony ride
(kang Katrina)
Ingog gilubok sa alho
Ang akong dughan
Hubad sa imong kahinam:
‘My heart is jumping out of my chest!’
Gisukna tikag balik kon gusto ba
Gyod kang mosakay.
Naneguro ko. Di kay naanugnan kos
Three dollars nga bayad.
Una mo kining pagsakay
Aw, gawas niadtong plastik nga kabayo
Sa mall nga kusog mohiwid-hiwid
Su’d sa usa ka minuto human
Nato sudli og loonie iyang kilid.
Di pa lang dugay nga nag-awok-awok ta
Ilawom sa habol human ko nimo
Pahibaw-a diin ka gikan:
Sa usa ka dakong busay
Sa tiyan sa imong mommy.
Midahili ang panahon sama
Sa pagbusagak sa tubig
Nga ingon ka imong gidal-os-dal-osan.
Gipahiluna tika ibabaw sa montura
“Hold tight.” Mao ray akong mahagawhaw.
“I am.” Imong tubag ingog pasiatab.
Mikawhat ko, aron kaha paggunit
Apan nakita kong di ka na matagak.
DINDIN P. VILLARINO
Toronto, Ontario, Canada
Comments (0)
You don't have permission to comment on this page.