| 
  • If you are citizen of an European Union member nation, you may not use this service unless you are at least 16 years old.

  • Stop wasting time looking for files and revisions. Connect your Gmail, DriveDropbox, and Slack accounts and in less than 2 minutes, Dokkio will automatically organize all your file attachments. Learn more and claim your free account.

View
 

Nahinumdoman Ko Ang Sierra Madre

Page history last edited by PBworks 13 years ago

Nahinumdoman Ko Ang Sierra Madre

 

Di ko malimtan ang tubig,

ang mga batong akong gipamunit,

ang mga sugilanon, ang pinulongan,

ang awit nga gitudlo namo

sa mga batang Dumagat,

UP Naming Mahal

gihimong Yokyok Namong Mahal.

 

Didto ko unang nakabatyag nga kagamay ko ba

sa ilawom sa higanteng mga kahoy,

wa hilabti sa mga siglo,

ang basa nga yuta sa ilawom niini,

ang dagkong mga punoang

di magakos og tulo ka tawo,

kadtong lugar nga halos wala nay Adlaw.

 

Unang pagkurog ko atubangan

sa likod sa taas ug itom nga halas,

parehas kadako sa akong kamot

ug usa ka gamayng bato lamang ang akong dala.

 

Didto ko unang nahadlok og lamok tungod sa malarya.

Kadtong batan-ong magtiayong Dumagat,

may dalang batang gihilantag usa na ka semana.

Dili sila pasakyon sa fierra kay wala silay pamilete.

Gibayran namo sila. Gihatod sa tambalanan.

 

Karon nahinumdoman ko na pod ang Sierra Madre

samtang nag-atubang sa nagkaupaw nga Malindang.

Unsa na kaha ang gidangatan sa iyang lasang?

Unsa na kaha kon gipugngan ang iyang tubig?

 

Dili ko gustong maghunahuna niini

bahin sa Sierra Madre,

nga naglubong kanako sa mga paghandom

sa kabatan-on kong nanglabay na.

 

MARIO L. CUEZON

Comments (0)

You don't have permission to comment on this page.