log inhelp

 | 

  • If you are citizen of an European Union member nation, you may not use this service unless you are at least 16 years old.

  • You already know Dokkio is an AI-powered assistant to organize & manage your digital files & messages. Very soon, Dokkio will support Outlook as well as One Drive. Check it out today!

View
 

RAMON S ARONG

Page history last edited by Edgar S. Godin 6 years ago

RAMON S. ARONG (Bathalad No. 48). Sa panuigon nga 63, si Ramon wa na magdahom nga matuman pa ang iyang damgo nga mahimong magsusulat sanglit nahigot siyag maayo sa iyang panginabuhi diha sa aseras sa Dalan Colon (atubangan sa Eden Theater) uban sa iyang kapikas, si Fidela Tirol. Namaligya silag sigarilyo, mantalaan, magasin ug mga komiks. 

 

Nadiskobrehan sa mga sakop sa Bathalad si Ramon adtong 1989 kanus-a didto na si Fidel Mag-usara magbase sa Manila. Ang tindahan og mantalaan ni Ramon nahimong bag-ong tapokanan sa mga sakop sa BATHALAD-Cebu. Gibansagan nila kinig Bathalad Café 2 kay ang puwesto ni Fidel sa Hope Pharmacy sa Leon Kilat mao may Bathalad Café 1. Misamot ang kadasig ni Ramon sa pagpanulat samtang maminaw sa diskusyon bahin sa panulat sa mga sakop sa kapunongan. Ning panahona naapil na pag-estambay si Butch Bandillo nga nagtudlo og English Literature sa University of San Carlos. (Si Vicente ‘Butch’ Bandillo nahimong pamuno sa BATHALAD-Cebu sa 1990-1992 ug karon maoy Philippine ambassador sa Bangladesh.) Ming-apil sa pundok sila si Mike Obenieta, Januar Yap ug Adonis Durado. Si Godin tighapitan sab didto sa wala pa manarbaho sa Manila.

 

Niadtong Abril 1989 nagpasakop na si Ramon sa Bathalad. Ang iyang mga balak ug sugilanon nangapatik sa Sun.Star Superbalita. Napatikan sab siyag mga gitikgitk ug pulongbay. Ang iyang balak nga “Tagal” nalakip sa Lunhawng Hangin, ang ikaduhang antolohiya sa mga balak sa mga sakop sa kapunongan. Matod niya, dili suliran ang pagka magsusulat bisag wala makatiwas pagtungha sa hayskol basta kanunay lang magbasa ug magsulat. Igo lamang siyang nakagradweyt sa elementarya sa iyang lungsod sa Cordova, Cebu.—

 

Comments (0)

You don't have permission to comment on this page.

Printable version