| 
  • If you are citizen of an European Union member nation, you may not use this service unless you are at least 16 years old.

  • You already know Dokkio is an AI-powered assistant to organize & manage your digital files & messages. Very soon, Dokkio will support Outlook as well as One Drive. Check it out today!

View
 

DIONISIO R GABRIEL

Page history last edited by Edgar S. Godin 5 years, 11 months ago

DIONISIO R. GABRIEL. Usa ka manlalaban si Diony ug lumad nga taga Dakbayan sa Sugbo ug kaliwat sa mga Rama. Usa siya sa lima ka Sugboanon nga nangahimong writing fellow sa Silliman National Writers’ Workshop sa 1968. Ang upat mao silang Rene Amper, Rene Bonsubre, Ury Almagro ug Lam Ceballos.

 

Iningles ang ampay ni Diony. Ang iyang mga short story nangapatik sa Philippine Free Press, Weekly Nation ug Weekly Graphic. Gidayeg sa mga panelist (Dr. Edilberto Tiempo, Dr. Edith Tiempo, Kerima Polotan) ang mga short story ni Diony nga gisumiter sa workshop. Gani, gidawat na daan ni Kerima, literary editor sa Philippine Free Press, ang China Opera.

 

Usa sa iyang mga sugilanong Iningles nga napatik sa Philippine Free Press, ang “Kumpit Going South”, nalakip sa Literature for Filipinos of Today, Philippine Prose & Poetry Series for High Schools, Vol. IV, nga gipatik sa Classic Printers, Inc., Quezon City sa tuig 1969. Sila si Dr. Tobias Y. Enverga ug Prof. Tomas G. Brual ang mga editor. Laing mga sugilanon nga nangapatik sa PFP: China Opera, The Matchmaker of V. Rama Road, ug Dapples in Plestoscene Snow. Sa Weekly Nation napatik ang The Wrenching Vegetage. Napatik sab sa Philippine Collegian (UP-Diliman) ang Death of a Valley.

 

Dihang nahisakop na si Diony sa BATHALAD-Cebu nanuwat na siyag balak ug sugilanon nga Binisaya. Gihubad niya sa Binisaya ang “The Matchmaker of V. Rama Road” (Ang Tigtupo sa Dalan V. Rama) nga napatik sa Bisaya Magasin. Sa bangga sa sinulatay sa Ludabi nakadaog sa unang ganti ang sugilanong “Gukod”. Ang balak nga “Mga Hulmigas” nakadaog pod sa unang ganti.

 

Naminyo siya kang Clavel Awit ug may tulo sila ka anak. Usa nila nahimong mananambal, si Dra. Enjel A. Gabriel nga usa ka cardiologist.

 

WINEFREDO ML SECO 

Comments (0)

You don't have permission to comment on this page.