JESUS ESTAÑO. Si Jess usa sa mga tadhang magsusulat sa Sugbo sa han-ay nilang Laurean Unabia, Marcel Navarra ug Martin Abellana. Usa siya ka respetadong membro sa Ludabi, Inc. nga nagpasakop sab sa Bathalad. Mananaog sa daghang tigi sa sinulatay sa sugilanon, balak ug gumalaysay sa Ludabi ug Bathalad, nahimo sab siyang maghuhukom sa mga bangga sa sinulatay. Suod sila nga managhigala ni Mel Allego, Jr. Nanimuyo siya kanhi sa Jagobiao, Dakbayan sa Mandaue, Cebu.
Daghang mga sugilanon, balak ug artikulo nga iyang sinulat nga nangapatik sa Bisaya ug ubang mga mantalaan. May mga nobela sab siyang nangapatik.
Si Jess nahimong editor sa Alimyon Magasin, igsoong magasin sa Bulaklak. Niadtong panahona upat ka magasin nga Binisaya ang nagtambayong pagpalambo sa pinulongan ug katitikang Binisaya: Bisaya, Alimyon, Silaw (pulos sa Manila gipamatik) ug Bag-ong Suga (sa Danao City, Cebu). Nahimo sab siyang editor sa Tribune Bisaya kansang publikador mao si Soban Shing.
LEONILO E ESTIMO
Comments (0)
You don't have permission to comment on this page.