log inhelp

 | 

  • If you are citizen of an European Union member nation, you may not use this service unless you are at least 16 years old.

  • You already know Dokkio is an AI-powered assistant to organize & manage your digital files & messages. Very soon, Dokkio will support Outlook as well as One Drive. Check it out today!

View
 

MELITO BACLAY

Page history last edited by Edgar S. Godin 6 years ago

MELITO BACLAY (Bathalad No. 72). Si Mel usa ka Sugboanong magbabalak kansang dagang may kahait sama sa iyang dila. Usa sab siya ka kompositor sa mga awit Binisaya, usa ka premyadong magbabalak sa Iningles ug Sinugboanon. Midaog siya sa unang ganti sa balak sa bangga sa sinulatay nga gipasiugdahan sa Sun.Star Daily niadtong 1991, 1992 ug 1993. Gituboy siya sa BATHALAD-Cebu sa hawanan sa kabantog (hall of fame) niadtong 1994 kay ang iyang balak nga nag-ulohan og “Wasay Nga Kahibulongan” mao may ikalima niyang pagdaog sa ‘unang ganti’ nga maoy sumbanan nga ikatuboy ang usa ka magsusulat sa hawanan sa kabantog. Poetry awardee siya sa Focus Philippines sa tulo ka higayon ug CCP Awardee for Cebuano Poetry sa tuig 1991.

 

Isip usa ka maghuhuni, si Mel mananaog sab sa Cebu Pop Music Festival. Niadtong 1988, ang komposo niyang “Bituon sa Pangandoy” maoy nakailok sa unang ganti. Midaog pod siya niadtong 1989 uban sa iyang komposisyon nga giulohan og “Agila”. Siya ang nagtukod sa SAKDAP, Cebuano jazz quartet, nga misikat sa dekada ‘80 ug ‘90. Sa pipila ka higayon nahimo sab siyang usa sa mga maghuhukom sa Cebu Pop Music Festival. Kahibawo siya motugtog sa piyano, biyolin ug gitara. Siya usa usab ka negosyante og carageenan kun guso. Nakatudlo siya sa usa ka eskuylahan sa musika dinhi sa Sugbo. Sa General Santos City nakatudlo sab siya og English Literature sa usa ka kolehiyo didto. Si Mel gipasidunggan isip “Most Outstanding Alumnus in the Field of Literature” sa iyang alma mater (University of San Carlos) niadtong 1994.

 

ROMEO S BIRAO  

Comments (0)

You don't have permission to comment on this page.

Printable version