PANTALEON S. AUMAN (Bathalad No. 16). Si Eyon nagsugod pagpanulat og balak nga Iningles. Nahimo siyang writing fellow sa National Writers’ Workshop sa Silliman University sa 1972 uban ni Ernesto Lariosa. Sa 1975, usa siya sa tulo ka Sugboanon nga nakadawat og pasidungog sa pamalak nga Iningles sa Focus Philippines didto sa Palasyo sa Malacañang. Kauban niya sila si Ernesto Lariosa ug Vicente ‘Butch’ Bandillo (nga karon ambassador to Bangladesh). Si Presidente Ferdinand Marcos ug si Unang Ginang Imelda Marcos maoy nangunay paghatag sa mga ganti.
Sa panulat nga Binisaya, nadaog ni Eyon ang unang ganti sa tigi sa balak sa Lubas sa Dagang Bisaya (LUDABI) niadtong 1976 sa iyang “Inigkalarag sa Damgo: Trahedyang Minugna sa Gisalimuang Kalibotan”. Sa bangga sa sugilanon sa Ludabi sa tuig 1980, nasignit sab niya ang unang ganti sa iyang “Kining Yuta, Kining Gugma”.
Human sa 13 ka tuig nga nagtudlo og English and Philippine Literature sa Mandaue Academy (UV Branch), mibalhin siya sa Dept. of Local Government & Community Development sa tuig 1975 isip information officer. Dayon nadawat siya sa Cooperative Development Authority (CDA) isip cooperative development specialist and information officer.
Naminyo si Eyon kang Basilisa ‘Bebe’ Cosido. May lima sila ka anak: Diana, Florante, Israel, Cleofe ug Leah.
MELITO BACLAY
Comments (0)
You don't have permission to comment on this page.