| 
  • If you are citizen of an European Union member nation, you may not use this service unless you are at least 16 years old.

  • Finally, you can manage your Google Docs, uploads, and email attachments (plus Dropbox and Slack files) in one convenient place. Claim a free account, and in less than 2 minutes, Dokkio (from the makers of PBworks) can automatically organize your content for you.

View
 

RENATO E AMPER

Page history last edited by Edgar S. Godin 3 years ago

RENATO E. AMPER (Bathalad No. 14). Taga Boljoon si Dr. Rene Amper. Nahimong mayor sa duha ka termino gikan sa 1993-1999. Nailhan nga maayo sa pamalak nga Iningles.

 

Nakadaog siya og ikaduhang ganti sa Don Carlos Palanca Memorial Awards for Literature sa English poetry. Nakadawat siya og grants gikan sa Cultural Center of the Philippines (CCP) alang sa katitikanong paghukngay (literary criticism) sa tuig 1990 ug sa pagsulat og Sugboanong nobela, Mananap sa Linaw, sa tuig 1992. Nailhan sab siya nga usa ka literary critic.

 

Si Rene ka-batch nilang Ury Almagro, Diony Gabriel, Rene Bonsubre ug Lam Ceballos isip mga writing fellow sa 1968 Silliman National Writers’ Workshop sa Dumaguete City. Tugbang nila gikan sa Luzon ug Manila mao sila Alfred ‘Krip’ Yuson, Donel Pacis, Armando Ravanzo, Cesar Mella Jr. ug si Emmanuel ‘Eman’ Lacaba.

 

Si Rene nahimong editor-in-chief sa The Quill, official student publication sa Southwestern University. Ang mga balak niyang Iningles nangapatik sa Philippine Free Press, Focus Philippines, Sun.Star Weekend Magazine, ubp. Ang mga balak niyang Binisaya nangapatik sab sa Bisaya Magasin, ubp.

 

Sa mga balak ni Rene, ang “To My Mother” nakaangkon og pagdalayeg sa mga panelist, labi na gayod ni Dr. Edith Tiempo nga miingon sa usa ka sinulat, sumala sa kolum ni Lariosa sa Sun.Star Superbalita, “Rene Amper is one of the finest young Filipino poets today worth watching.”

 

May libreto siya sa dose ka balak nga ginganlag “rene estella amper 12 poems” nga napatik niadtong Hulyo 31, 1969. Niadtong 1989 nadaog ni Rene ang ikaduhang ganti sa English Poetry Division sa Don Carlos Palanca Memorial Literary Awards sa iyang “No Else is Grass”.

 

Sa mga balak Binisaya ni Rene, ang labing popular nga balak sa mga magbabalak nga Bisaya mao ang “Sa Babaye nga Naghubo Didto sa Baybayon sa Obong” nga nalakip sa antolohiyang Panulaang Cebuano nga gipatik sa Ateneo de Manila University Press sa tuig 1993.

 

PANTALEON S AUMAN  

Comments (0)

You don't have permission to comment on this page.