| 
  • If you are citizen of an European Union member nation, you may not use this service unless you are at least 16 years old.

  • You already know Dokkio is an AI-powered assistant to organize & manage your digital files & messages. Very soon, Dokkio will support Outlook as well as One Drive. Check it out today!

View
 

URIAS A ALMAGRO

Page history last edited by Edgar S. Godin 5 years, 11 months ago

URIAS A. ALMAGRO (Bathalad No. 18). Natawo siya sa Disyembre 15, 1943 sa Dalaguete, Cebu. Iyang ginikanan sila si David Magno Almagro ug Juanita Linares Alcantara. Niadtong Mayo, 1968, usa siya sa lima ka magsusulat sa Sugbo nga girekomendar nilang E. O. Constantino ug Nelson Larosa nga mahimong writing fellow sa 1968 Silliman National Writers’ Summer Workshop sa Dumaguete. Ang maong pandayan sa panulat gidumala nilang Dr. Edilberto Tiempo ug Dr. Edith Tiempo. Kauban niya sila si Atty. Dionisio Gabriel, Dr. Renato Amper, Rene Bonsubre nga usa ka magtutudlo ug si Lamberto Ceballos.

 

Si Ury migradwar sa Southwestern University (SWU) sa kursong Medicine ug midawat sa iyang diploma pagka Doctor of Medicine niadtong 1968. Usa siya ka phatologist nga nakaalagad sa pipila ka ospital didto sa U.S.A. Sa iyang pagka estudyante sa SWU nahimo siyang staff member sa The Quill, official school organ sa SWU diin nahimo siyang associate editor. Nahimo sab siya nga editor-in-chief sa The Pulse, official student publication sa SWU College of Medicine.

 

Ang iyang Iningles nga mga balak nangapatik sa The Quill, The Pulse ug sa Philippines Free Press. Ang iyang mga balak nga Sinugboanon nangapatik sab sa Bisaya, Silaw ug Bag-ong Suga. May duha siya ka libro nga antolohiya sa iyang mga balak. Ang una mao ang Mga Taas Nga Damgo, Mga Mubong Gabii (1995); ang ikaduha, Ang Gikablit Nga Mga Kwerdas (2012).

 

RENATO E AMPER

Comments (0)

You don't have permission to comment on this page.