Utlanan
Nagdamgo ko usa ka gabii
nga nagasubay sa dalan
nga morag walay sinugdan ug kataposan.
Liko-liko, batohon, sakag-kanaog
ug usa ka bituon lamang
didto sa kasadpan
ang naghatag kanako og kahayag.
Pag-abot ko sa usa ka suba,
misamot ang gibati kong kauhaw ug kagutom.
Mokanaog na unta ko
aron moinom ug molabang
apan usa ka tingog ang akong nadungog:
“Ayaw og labang
kay mao na kini ang utlanan
sa gisubay mong dalan.”
OMER OSCAR B. ALMENARIO
General Trias, Cavite
Comments (0)
You don't have permission to comment on this page.