Bisaya Magasin

 

Lunsayng Bisaya Tigi Sa Pagsulat Og Sugilanon 2008

Page history last edited by Edgar S. Godin 1 yr ago

Lunsayng Bisaya Tigi Sa Pagsulat Og Sugilanon 2008

 

ANG Lunsayng Bisaya, usa ka onlayn nga grupo sa mga Bisaya nga nagmahal sa pinulongan ug kulturang Bisaya, mapagarbohong mobukas sa usa ka tigi sa pagtagik og sugilanon. Kining maong tigi maoy kinaunhan nga gihimong outreach project sa grupo apan natibuok human sa taudtaod nga pagplano.

 

Lagda sa Pagsalmot:

 

1. Ang tigi bukas lamang sa kategoriya sa Sugilanon;

 

2. Usa lamang ka salmot sa matag magsusulat ang mahimong itampo.

 

3. Ang tigi bukas sa tanang magsusulat, propesyonal kun bag-ohanon, babaye man kun lalaki, edaran man kun batan-on. Ang mga sakop sa Lunsayng Bisaya lehitimo usab nga makaapil ning maong tigi gawas lang sa mga sakop sa sekretaryat;

 

4. Ang isalmot nga sugilanon kinahanglan nga maghubit sa tema sa kailhanan, kultura, ug sensibilidad nga Bisaya;

 

5. Ang tanang salmot sulaton sa pinulongang Binisaya kun sa bisan unsang diyalekto nga Binisaya (sama sa Binisayang Binol-anon, Binisayang Sinurigawnon, Binisayang Sinugboanon, ubp.);

 

6. Ang salmot kinahanglang orihinal ug dili hinubad gikan sa laing pinulongan, dili sinundog gikan sa laing sinulat, ug wala pa makadaog og ganti sa bisan diing tigi ug sa bisan diing kapunongan nga nagpasiugdag tigi. Ang salmot kinahanglan nga wala pa sab mapatik sa bisan unsang mantalaan, magasin, ug sa bisan unsang porma sa publikasyon lakip na sa internet;

 

7. Ang salmot dili butangan og ngalan sa tagsulat bisan takoban. Sa usa ka linain nga sobre, isulod sa sumasalmot ang iyang pinirmahang Panghimatuod nga ang iyang salmot kaugalingon niyang obra. Sa maong Panghimatuod, isulat usab sa tagsulat ang iyang ngalan, adres ug numero sa telepono/selpon;

 

8. Andamon ang isalmot nga sugilanon sa upat ka limpiyong kopya sa 8 ½ x 11 nga bondpaper nga tagurha ang giblang (double-spaced), makinilyado man kun kompyuterisado. Kon kompyuterisado, ang salmot kinahanglan nga mogamit lamang sa Arial o kaha Times New Roman nga font style (font size no. 12). Ang gitas-on sa salmot dili mokuwang sa lima (5) ka pahina ug dili sab molapas sa kawhaan (20).

 

9. Ang kataposang pagpanawat sa salmot kutob lang sa alas 10 sa gabii sa Nobiyembre 15, 2008. Ang mga salmot nga di madawat sa sekretaryat sa maong petsa dili isipon nga lehitimong salmot. Ang Lunsayng Bisaya dili manginlabot sa salmot nga nahawani sa pahatanan. Wala usay tulubagon ang Lunsayng Bisaya sa pag-uli ngadto sa mga tag-iya sa mga salmot nga ma-disqualify.

 

10. Ang mananaog nga mga salmot panag-iyahon gihapon sa nanagpakadaog ug ilaha gihapon ang katungod sa pagpapatik. Apan ang Lunsayng Bisaya may katungod usab sa paggamit niini sa ilang kalihokan nga dili na mananghid sa tagsulat kun mohatag bag bayad.

 

11. Ang desisyon sa mga hurado pagaisipong pinal na, dili malubag ni magukod.

 

Mga Ganti:

 

Unang Ganti: P3,000.00 lakip ang tropeyo ug Sertipiko sa Pagdaog

Ikaduhang Ganti: P2,000.00 lakip ang tropeyo ug Sertipiko sa Pagdaog

Ikatulong Ganti: P1,000.00 lakip ang tropeyo ug Sertipiko sa Pagdaog

 

Ang tanang mga salmot ipadala lang sa:

 

Lunsayng Bisaya Tigi Sa Pagsulat Og Sugilanon 2008

c/o Bisaya Magazine

Muralla cor. Recoletos Sts.,

Intramuros, Manila

 

Kalambigit nga artikulo: Ang Lunsayng Bisaya Ug Ang Kinaunhang Proyekto Niini

Comments (0)

You don't have permission to comment on this page.

Printable version
 
Anonymous Create an account or Log in