Bisaya Magasin

 

Lagda Sa Tigi sa BM

Page history last edited by Edgar S. Godin 2 yrs ago

Tigi sa Sinulatay sa BATHALAD-MINDANAO 2007

 

Ang BATHALAD-MINDANAO 2007 (Bathalan-ong Halad sa Dagang-Mindanao) naglusad og tigi sa pormal nga pagsulat pasignunot sa ipahigayong kasumaran ug kombensiyon (Nobiyembre 17-18) adto sa Dakbayan sa Iligan. Ang kategoriya, Balak ug Sugilanon lamang.

 

Mga Lagda:

1. Bukas ang tigi sa tanang magsusulat gawas lamang sa mga opisyal sa BATHALAD-MINDANAO lakip ang ilang mga kabanay.

 

2. Ang salmot kinahanglang orihinal ug dili hinubad gikan sa laing pinulongan, ug dili sinundog gikan sa laing mga sinulat; ug wala pa makadaog og major prize sa ubang kontes, ug wala pa mapatik sa bisan unsang basahon.

 

3. Ang mga salmot dili butangan og timailhan sa tagsulat bisan dagangalan. Isukip sa salmot ang pinirmahan nga Panghimatuod nga ang salmot iyang kaugalingon sa tagsulat ug isulod sa lain nga sobre uban sa Ngalan sa Tagsulat, Adres, Ulohan, ug Contact Number; ug takpan.

 

4. Gawasnon ang tema sa Balak ug Sugilanon. Ug ang matag salmot (Sugilanon) 10 ngadto sa 15 ka pahina lamang; ug sa (Balak) usa ka hugpong nga langkoban sa 6 hangtod sa 8 ka balak. Minakinilya kun kompyuterisado (Font: 12 Arial) sa duha ka lab-ang (double-spaced) sa 8 ½ x 11 nga bondpaper ug adunay margin nga usa ka pulgada sa upat ka kilid. Ang matag salmot sa matag kategoriya tag-upat (4) ka malinis nga kopya ang gikinahanglan.

 

5. Walay limit ang gidaghanon sa salmot apan ang matag salmot kinahanglan nga patabanan og entry fee nga tag-P100.00 nga ipaagi sa Postal Money Order sa ngalan sa BATHALAD-MINDANAO.

 

6. Mga Ganti sa matag kategoriya:

 

Unang Ganti P5,000.00

Ikaduhang Ganti P3,000.00

Ikatulong Ganti P2,000.00

Tulo ka Pinasidunggan P0,500.00

 

7. Ang desisyon sa mga maghuhukom ilhong pinal ug dili na malubag. Ang tanang salmot hangtod lamang sa Nobiyembre 5, 2007. Kon pinaagi sa koreyo o kaha courier service, kinahanglan nga aduna kiniy tatak sa postal service sa naasoyng petsa o kaha sa mas sayo niini.

 

Ipadala ang mga salmot sa:

 

BATHALAD-MINDANAO

007 Purok 17, Doña Juaña Subdivision

9200 Palao, Iligan City

 

Minatud-an:

EUFEMIO M. FLORES

Pamuno, Bathalad-Mindanao

Comments (0)

You don't have permission to comment on this page.

Printable version
 
Anonymous Create an account or Log in