| 
  • If you are citizen of an European Union member nation, you may not use this service unless you are at least 16 years old.

  • You already know Dokkio is an AI-powered assistant to organize & manage your digital files & messages. Very soon, Dokkio will support Outlook as well as One Drive. Check it out today!

View
 

BRONCHITIS

Page history last edited by Edgar S. Godin 14 years, 3 months ago

Healthnotes

Ni Prof. Copello

Disyembre 16, 2009

 

ACUTE inflammation of the bronchi marked with fever, pain in the chest, especially on coughing.

Mao kiniy labing makuyaw nga sakit motakboy sa mga bata. Bantayanan kaayo. Kay kon mapasagdan daghan sa mga bata ang makabsan sa kinabuhi. Maglisod man ugod ang mahitungdang bata sa pagginhawa gumikan sa paghubag sa duha ka nagsangang agianan sa hangin hinungdan nga magsigeg ubo, sakit nga pag-ubo. Hilanat ug ubo ang mag-uban kanunay sa maong balatian sa mga bata.

Busa, gikinahanglan gayod kaayo ang dakong pag-amping, pagbantay sa mga bata ilabi na gayod ang mga masuso. Kinahanglang bali-balihon ang posisyon sa paghigda. Matngonan kanunayng dili maughan sa singot ang likod. Tungod kay ang kasagarang hinungdan sa bronchitis mao ang kanunayng pagsingot sa bukubuko sa bata nga napasagdang nauga. Maong napanuhotag maayo ang likod sa bata. Kay lagi ang panuhot man gayoy hinungdan kanunay sa bisan unsang sakit nga motakboy kanato, mga bata ug bisan mga hamtong.

Labihang paita ra ba gayod kon ang bata mabrongkitis. Mag-utas og hilak, lisod mohilom tungod kay maglisod man lagi sa pagginhawa. Busa kinahanglang kadapatan dayon sa maayong tambal, sama sa mga mosunod nga herbal…

Abokado

– Lagaon ang gulang mga dahon sa igong gidaghanon sa tubig aron mapainom ang pasyente ½ sa baso matag 3 ka oras. Wala kiniy matawag nga overdose, busa kon daghan ang mainom sa pasyente mas labing maayo. Ilabi na kon ang bata nag-edad nag kapin sa tuig pataas.

Kon ang pasyente usa ka masuso mas labing maayo nga ang linaga maoy gamiton nga pangtempla sa gatas. Ug kinahanglan nga ang linaga dili isog ang templada, igo lang mausab og diyotay ang kolor sa gigamit nga tubig.

Ahito o Amarillo

– Magkuhag lawas sa punoan, 2 ka pulgada ang gitas-on ug lagaon sa 1 ka baso nga tubig. O kaha ihumol lang sa usa ka baso nga tubig-init. Ipainom ang linaga, ¼ sa baso sa lat-ang nga 3 ka oras. Kon medyo dako na ang pasyente mahimong dugangan ang dosage ngadto sa ½ sa baso.

Sa gihapon, kon masuso ang pasyente mahimong maoy itempla sa gatas ang linaga o hinumolang init-tubig.

Chrysanthemum

– Ang tibuok tanom, punoan, mga dahon ug mga bulak lagaon sa igong gidaghanon sa tubig nga sarang mapainom sa pasyente ½ sa baso matag 3 ka oras. Lasaw lang ang templada aron dili maglisod pag-inom ang pasyente ilabi na kon gamay pang bata.

Alang sa masuso, isagol o itempla sa gatas ang linaga.

Comfrey

– Magkuha og baleg 8 ka pulgadang gitas-on sa lagparon, bagang dahon; ihumol sa 2 ka baso nga init-tubig. Paimnon ang pasyente ½ sa baso matag 3 ka oras.

Kon masuso ang pasyente, itempla sa gatas ang linaga sa gidaghanon nga tunga lamang sa baso, dili mosobra.

Antuwanga

o Gumamela – Maghumol og tulo ka bag-ong bukhad nga bulak sa 1 ka baso nga tubig. Paimnon ang pasyente ½ sa baso sa lat-ang nga 2 ka oras.

Kon masuso ang pasyente, usa lang ka bulak ang ihumol sa 1 ka baso nga tubig nga maoy templahan sa gatas.

Kulitis

– Magkuhag 10 ngadto sa 15 ka lab-as nga dahon nga ihumol sa 5 ka baso nga tubig. Paimnon ang pasyente ½ o 1 ka baso sa matag 3 ka oras. Walay overdose kining maong tambal busa mahimong moinom ang pasyente og daghan kon kinahanglanon.

Hinuon, kon masuso ang pasyente, 4 ka dahon lang ang ihumol sa 1 ka baso nga tubig nga maoy templahan sa gatas.

Sampaguita

– Maoy lagaon ang mga gamot sa igong gidaghanon sa tubig nga mahimong mapainom ang pasyente ½ sa baso, 3 ka subli sa matag adlaw.

Mahimong maoy gamiton ang mga bulak, 3 ka pudyot sa usa ka basong init-tubig nga humolan. Paimnon ang pasyente ½ sa baso sa lat-ang nga 3 ka oras.

Alang sa masuso, labing maayo nga maoy humolan sa usa ka baso nga init-tubig ang 1 ka pudyot nga bulak aron maoy templahan sa ipasuso nga gatas.

Santan

– Magkuhag 3 ka gramo sa lab-as nga mga dahon, lagaon sa 4 ka baso nga tubig. Paimnon ang pasyente ¼ sa baso sa matag 3 ka oras nga lat-ang.

Pahimatngon: Kining maong linagang tambal dili maayong ihatag sa pasyente nga masuso.

Eucalyptus

– Magkuhag 3 ka kutsaritang lab-as nga dahon og pabukalan sa 8 ka baso nga tubig. Paimnon ang pasyente sa 1 ka baso 4 ka subli sa matag adlaw.

Kon masuso ang pasyente, ½ sa baso lamang ang gamiton pagtempla sa ipadede nga gatas.—

Comments (0)

You don't have permission to comment on this page.